Tanto a Armada como Greenpeace presentaron senllas denuncias polo incidente ocorrido entre os militares que protexían as prospeccións e activistas desta organización. Para o xuíz a actuación da Armada está amparada na legalidade, mentres que no caso de Greenpeace entende que non se pode imputar un delito de pirataría á activista que resultou ferida posto que nin comandaba nin pilotaba a lancha.
 
O xuíz considera que os militares desenvolvían unha función de seguridade e de mantemento da orde pública, protexendo a zona de exclusión na navegación marítima. Ante as reiteradas negativas de Greenpeace para retirarse, os militares consultaron aos seus superiores novas ordes, polo que a súa actuación axustouse ao cumprimento do deber, limitándose a obedecer as ordes dadas e que foron graduadas en función das circunstancias.
 
A resolución afirma que os activistas de Greenpeace mostraron unha conduta de clara rebeldía, penetráron consciente e voluntariamente nunha zona de exclusión marítima, violentaron a decisión da Autoridade pública que prohibira legalmente a navegación nesa área e comezaron as manobras para tentar a abordaxe do buque de Repsol.
 
Os incidentes ocorreron preto das costas de Lanzarote e Fuerteventura no marco dunha protesta pacífica que activistas de Greenpeace levaron a cabo xunto a un barco perforadora contratado pola petrolífera Repsol. Dúas embarcacións da Armada Española “embestiron repetidas veces” ás barcas pneumáticas dos ecoloxistas.
 
 
VIDEO