E é que o fino olfacto dos investidores e especuladores empezou a otear que no horizonte económico mundial asómase sixilosamente unha nova fase recesiva , nesta ocasión acompañada por unha insólita  perda do valor das materias primas e, nalgúns casos, por unha incerteza política que está a facer tremer a mercadores.
 
     En Europa , o terremoto nos mercados  afectou particularmente á  bolsa   italiana e a española. A primeira afundiuse un 3,21%,  mentres que a segunda descendeu ata un 2,39%. París experimentou un descenso de 1,69% , Londres 1%, Francfort 1,11%.
 
     Pero  o máis significativo no curso dos dous últimos días foi que  as perdas no mercado italiano alcanzaron  o 7,75%, seguida de preto pola da  bolsa española, cun 6,77%. As de París chegaron a un  4,84%. Francfort o 4,38% e Londres o 4%...
 
 No que a España se refire,  o máis relevante é que todos os grandes valores do Ibex 35 terminaron en vermello. Telefónica afundiuse un 5,30%; o BBVA , un 4,67% ; o poderoso banco  Santander, un 3,87 %; Repsol, un 3,53 %…
 
        A esta sorte de catástrofes mercantís concatenadas, veu agregarse o retorno aos números vermellos do Deutsche Bank, que este martes esborrallouse ata chegar ao 10%.
 
       Os especialistas en temas bolsistas estiman que os movementos sísmicos nos mercados  europeos non fan máis que indicar o fundado  temor nos inversionistas e especuladores de que nos atopamos ante un auténtico tsunami recesivo a nivel mundial. Uns e outros estiman que os  descensos do prezo do cru, que se cotiza ao incrible prezo de 33 $, non fan senón confirmar esta escura expectativa.
 
     As afirmacións, pois, de que a crise formaba xa parte dun mal recordo do pasado resultou ser pura filfa, confirmando a tese de moitos especialistas en temas económicos de que a crise non era unha expresión  conxuntural do desenvolvemento da economía capitalista, senón que pola contra é unha manifestación sistémica da súa evolución, cuxa traxectoria futura caracterizarase por cada vez máis frecuentes e dramáticos vaivéns.
 
Canarias Semanal