Analizadas estas circunstancias na reunión da Xunta de Persoal entendeuse que a denuncia xudicial non correspondía pois a decisión do contencioso-administrativo demoraría máis aló do concurso que está previsto convocar o día 1 de outubro.
 
Adoptouse a decisión de agardar 15 días e, se o equipo de goberno non deixaba sen efecto a resolución adoptada pasariamos a realizar a denuncia pública dos incumprimentos na materia. Esta decisión transmitíuselle ao reitor na propia reunión da Xunta de Persoal na que se lle requiriu a súa presenza e na que tivo a ben participar.
 
Queremos deixar constancia de que a APA, diante dos reiterados incumprimentos da Xerencia, defende e seguirá defendendo a normativa acordada e seguirá controlando o seu cumprimento. Compre, polo tanto, que unha vez transcorrido o tempo sinalado a Xunta de Persoal, leve a efecto as medidas acordadas.