O auto que levaba a prisión aos titiriteiros enmárcase nunha estratexia gobernamental contra a liberdade de expresión e opinión, empregándose de reprimir, tamén, a todo aquel que mostre a súa solidariedade coas persoas represaliadas ou, como neste caso, detidas.
 
Coa concentración quixemos facer patente a nosa solidariedade cos membros da compañía «Títeres desde abajo» na realización do espectáculo de monicreques “La bruja y Don Cristobal”, facéndoa extensivo a todas as persoas que sofren a represión institucional por defender dereitos básicos como a liberdade de expresión, dereito de folga, o dereito a unha vivenda e a unha vida digna, a unha sanidade e educación pública de calidade...