Os arredor de 70.000 traballadores e traballadoras da Administración pública vasca recuperarán as 35 horas semanais en 2016 pactadas cos sindicatos no ano 2000 e anuladas por unha lei básica do Estado en 2012.
 
O Consello de Gobierno Vasco aprobou o martes, día 2 de febreiro, o decreto que regula o horario laboral en 2016, que tamén inclúe 22 días de vacacións para o persoal público e 6 máis de permiso por asuntos particulares. Ademais, o xoves, día 11, o Goberno vasco convocou a Mesa de Función Pública para acordar cos sindicatos a devolución dos días libres por antigüidade.
 
Así, con este decreto, a xornada laboral fíxase en 1.592 horas ao ano, 22 horas e media de presenza efectiva menos que en 2015, explicou o portavoz do Executivo vasco, Josu Erkoreka, na rolda de prensa posterior ao Consello de Goberno. O portavoz explicou que o Executivo vasco adoptou esta decisión tres anos e medio despois da normativa estatal porque a situación económica e orzamentaria permíteo.
 
O decreto aprobado terá un impacto económico de 8,7 millóns de euros nas arcas públicas, un gasto que na súa maioría investirase no pago de substitucións en Osakidetza e das horas gratificadas do persoal da Ertzaintza. Durante a reunión que se celebrará cos sindicatos tamén se negociará a devolución dos denominados «canosos», os días libres acumulados polo persoal público en concepto de antigüidade, que o Goberno Vasco quere que se recuperen en 2016.
 
El Correo.com