As diferenzas entre o público e o privado, hoxe

O público rexe, designa e normaliza; xestiona servizos e dereitos fundamentais para que o sector privado recolla beneficios sabendo que cando estes xa non sexan tan cuantiosos poderá emigrar e arrasar outros caladoiros.
O público axuda, promove e subvenciona ao sector privado porque xera emprego.
O público faise cargo de pensións e subsidios por desemprego mentres que o privado pon a bo recado os seus bens, conseguidos coas axudas oficiais, co abaratamento e precariedade da man de obra, co esforzo de mans traballadoras que viron como a súa calidade de vida ía en detrimento dos beneficios empresariais.
O público encóntrase subxugado e ao servizo do privado, atenazado e atadas as mans pola pinza mercantilista; pisado e menosprezado pola avaricia.