Asinada a RPT toca levar a efecto as promocións acordadas. Proximamente abordaremos os novos orzamentos, actualmente están prorrogados os de 2015. O desfase orzamentario que levou á parálise no gasto decretada no verán do ano pasado segue sen solución e temémonos que dalgún xeito repercuta nos novos orzamentos.
 
A decisión unilateral da Xerencia prorrogando, de xeito ilegal e en contra da vontade unánime da Xunta de Persoal, as comisións de servizo do persoal funcionarizado á que como órgano de representación toca dar unha contundente resposta ponnos, unha vez máis sobre aviso de que non podemos caer na compracencia e debemos vixiar e controlar as accións do novo equipo de goberno.
 
Do mesmo xeito que se incumpre a RESOLUCiÓN DA XERENCIA 1/2014, DO 9 DE XULLO DE 2014, POLA QUE SE DITAN INSTRUCIÓNS PARA A COBERTURA TEMPORAL DE POSTOS DE TRABAllO DE PAS FUNCIONARIO EN COMISiÓN DE SERVIZOS acordada entre a propia xerencia e a Xunta de Persoal, poden quedar en papel mollado outros acordos.
 
Non o permitiremos!!