Non votarei a Daniel Pena
Fun ás reunións que cadanseu candidato convocou, poucos compromisos todos moi xenéricos pero unha cousa teño claro, Daniel Pena non se compromete explicitamente a desenvolver o acordo de promocións, nese acordo sinálanse, entre outras, as promocións asinadas no acordo de funcionarización. As persoas que asesoran aos candidatos deberían sinalarlles até que punto poden evadir as respostas directas. Eu non votarei polo candidato Daniel Pena.

O voto do medo
Próximas as eleccións comeza a estenderse unha especie de temor ás decisións que o candidato da dereita poida adoptar, o mal menor empeza a ser, outra vez, a alternativa que moitas adoptaremos á hora de emitir o voto.

Póñennolo moi difícil
Parece que se empeñan en non darnos opción, ou escollemos as vellas formas de gobernanza e camiñamos cara a unha máis que probable e progresiva aceleración da privatización na universidade ou votamos por un candidato que representa “máis do mesmo” póñennolo moi difícil.

A proposta realista
Vexo a resposta que dá cada candidato con respecto ás promocións, non poden ser máis dispares:
- O candidato do equipo gobernante comprométese a cumplir un acordo que non ten respaldo económico para a súa execución: promesas de última hora para contentar ao PAS.
- Por outra banda o novo candidato, sen saber a situación económica na que se atopa a universidade, está dando unha resposta prudente que non gusta ao colectivo, a unha parte do colectivo.
Dá que pensar!!
Pero realmente: quen ten máis coñecemento da situación real na que estamos?. Ten liquidez a universidade?. Non se están pagando as facturas a proveedores. O "corralito" xa está olvidado?.