10/05/2010
CUTUDC / Novidades
ACTUALIDADE/FORMACIÓN
Informe do Valedor Universitario ao Claustro (16/4/2010)
No seu informe non deixan de ter interese unha serie de consideracións que vos trasladamos.
-
Noticias relacionadas
Do devandito
informe entrecollemos algunhas das súas queixas:
“…solicítolles
ás autoridades académicas, tanto da Reitoría,
como dos diferentes centros que
adecúen
os seus edificios ás necesidades dos que
padecen discapacidade física, xa que houbo
algunha reclamación neste sentido e, a pesar do
amparo legal que obriga a facer accesibles os
centros e servizos a todos os cidadáns, non se
conseguiu. Negativa que, neste caso, obrigou a
renunciar a unha atención axeitada a algún dos
que realizaban actividades e exercicios de
recuperación.”
“Non sei se o
acceso
ao correo de todos os membros da
Universidade da Coruña ha de estar ou non
regulado, probablemente si; pero con maior
contundencia reclamo a desaparición de calquera
censura, que ninguén poida demorar ou manipular
a difusión dunha mensaxe de posible interese
xeral ou para algún colectivo universitario.
Uno, pois, a miña protesta á das centrais
sindicais que noutras ocasións así o expresaron
ante a Xerencia, que parece atribuírse unhas
competencias que non lle corresponden e que
limitan o inalienable dereito á liberdade de
expresión.”
“A Reitoría
rara vez responde
aos
escritos que se lle envían; a Xerencia,
nunca; igual que a Xunta de Persoal.”
“O persoal de administración e de servizos presentou un total de 9
escritos, en que destacan os derivados das
listaxes de agarda establecidas para arbitrar
as substitucións que, indistintamente, impugnan
tanto o funcionario estable, como o contratado,
como os que se atopan nalgunha das listaxes
existentes.”
“Pola súa parte, as queixas presentadas polos PAS refírense, na súa
maioría, a dificultades no posto de traballo
asignado ou, sobre todo, nas substitucións e no
modo de desenvolver os compromisos pactados no
seu día coa Xerencia da Universidade no
funcionamento das listaxes de agarda. Este é un
tema que xerou diferentes queixas dos
colectivos implicados. Quizais moitas destas
dificultades e reclamacións se solucionarían
cun diálogo máis fluído entres os afectados e a
Xerencia polas canles que se consideren
axeitadas e satisfactorios. De calquera maneira,
a aplicación coidadosa dos acordos existentes
podería ser un primeiro paso para solucionar os
conflitos.
Tampouco
comprendo por que non se teñen en conta casos
especiais, como cando median informes médicos
que aconsellan o traslado dun traballador a
outro posto, ou cando a solicitude do
traballador aparece nos convenios e na
normativa vixentes, pero non se atende.”
Temos que dicir
que, no tempo que levamos formando parte do
Comité de Empresa, non se recibiu ningún
escrito do Valedor Universitario.
Poñémonos
a súa
disposición para o que, dentro das funcións nas
que teñamos competencia ambos órganos, tentemos
solucionar problemas que lle trasladen.
CUT da UDC . SEMPRE DO LADO DAS TRABALLADORAS E TRABALLADORES
Quen somos | Contacto | Axuda
cutudc.com, 2009. Publicado baixo licencia Creative Commons DHTML Menu By Milonic JavaScript