Durante estes últimos doce anos funcionou o pesebre, tanto como funcionaba antes:  
 

• ·         Xubilacións escandalosas consideradas irregulares ( polo Tribunal de Cuentas), ilegales (outra vez o Tribunal de Cuentas, noticia de 2015),  (máis novas ao respecto) para as que nos orzamentos de 2015 se contempla a cantidade de 934.126,32 € en concepto de Incentivos á xubilación voluntaria do PDI e que no orzamento de 2012 chegou a ser de 1.221.068,88€, (“Considerarase o 90% das retribucións brutas anuais do profesor na data en que se produza a súa xubilación. Exclúense as retribucións debidas ao desempeño de cargos académicos, outras retribucións conxunturais non consolidadas e, no caso de profesores con prazas vinculadas, as do complemento asistencial” até os 70 anos)
   

• ·         Plus de altos cargos a todo trapo
   

• ·         Os comisarios políticos (fontaneiros) que dirixían os servizos seguiron facéndoo na lexislatura de Barja e Armesto afondando, aínda máis, na desprofesionalización da xestión
   

• ·         Contratacións irregulares que levaron a que a Universidade se vise na obriga de facer fronte a importantes indemnizacións e que obrigaron á conversión de traballador@s con contratos temporais en indefinidos
   

• ·         Xestión irregular de proxectos de investigación (advertida en reiteradas ocasións como no proxecto Peixe Verde) de xeito que a Universidade veuse na obriga facer fronte a importantes cantidades de diñeiro que se “perderon” por unha xestión interesada.
   

• ·         Continuidade, a pesares das reiteradas denuncias por parte da representación do PAS nos órganos colexiados de goberno, do malgasto como nas mellores épocas
   

• ·         Incumprimento do compromiso de manter a RPT, aínda que formalmente si se fai, a realidade é que, no afán de aforrar a costa do PAS,  hai moitas vacantes sen ocupar.
   

• ·         Non só se nos recortou a acción social, a formación... O colectivo de PAS non veu nin un só euro do aforro derivado do proceso de funcionarización.
   

• ·         Realización de contratos en réxime de “colaboración social” e outros a través de ETT que consideramos escravistas e impropios dunha administración minimamente “progresista” 

• ·         Denegación do uso das horas sindicais a unha representante do Comité de Empresa. 

E moito máis que poderiamos sinalar da bagaxe de todos estes anos.
 
De todos os xeitos non vai ser isto o que lles faga caer da poltrona. Todo isto faríao de igual ou peor xeito a candidatura da dereita. O que repercutirá de xeito decisivo para a súa posible continuidade son as últimas actuacións na xestión universitaria:
 

• ·         A inexplicable situación derivada do desfase orzamentario no que, pola diferente interpretación do Plan de Financiamento a UDC deixou de percibir máis de 3,7 millóns de euros. Isto provocou a paralización do gasto e o conseguinte “cabreo” nos centros e departamentos. A situación orixinada por esta circunstancia leva a que o equipo de goberno da Universidade se vira na obriga de negociar coa Xunta un plan de axuste aínda sen aclarar.
   

• ·         O outro punto que pode repercutir decisivamente na continuidade de Nova Luce no goberno da Universidade é a alternativa de fusionar centros e departamentos, presentada con moi pouca transparencia e que foi rexeitada, de xeito radical, por numerosas xuntas de centro 

Resulta incomprensible a posición do equipo reitoral absolutamente enrocado na negativa a que estes dous importantes asuntos sexan tratados polo Claustro Universitario, máximo órgano de representación da Comunidade Universitaria.
 
Para analizar a difícil situación de Nova Luce compre ver os resultados das votacións de 2011. Coa posible, máis ben segura, perda de apoios, a alternativa que representa Julio Abalde ten moi difícil a continuidade á fronte da institución.
 
Eleccións a reitor 2011. Votos primeira volta
 

Candidato: RECUERO ASTRAY, MANUEL JOSE	440
Candidato: PAZOS SIERRA, ALEJANDRO	724
Candidato: NAVARRINA MARTINEZ, FERMIN LUIS	1118
Candidato: CASTEDO RIBAS, LUIS	1140
Candidato: ARMESTO BARBEITO, XOSE LUIS	1676

 
Eleccións a reitor 2011. Votos segunda volta
 

Candidato: ARMESTO BARBEITO, XOSE LUIS	2361
Candidato: CASTEDO RIBAS, LUIS	2246

 
A suma dos votos dos candidatos que agora anunciaron a candidatura conxunta ascende a 2304. Isto supón algún voto máis dos que tivo o seu representante na segunda rolda.
Armesto, aínda que gañou as eleccións non se fixo, nin de lonxe, cos votos de Navarrina xa que xuntos contarían con 2794
 
Está claro que o voto da dereita é moito máis sólido que o dos candidatos alternativos (non lles imos chamar de esquerdas porque non o son).
 
A falta de saber a decisión que toma Fermín Navarrina, a candidatura da dereita parte con ventaxe, non por méritos propios, posto que, neste período, desapareceu do mapa porque Nova Luce defendía claramente posicións que lles valían perfectamente.