Supoñemos, a Xerencia non informou á Xunta de Persoal, que, como sucedeu o pasado ano cando se procedeu á incorporación de catro traballadoras dúas en réxime de “colaboración social” e outras dúas a través de ETT ao abeiro do “Programa de apoyo a las unidades de gestión de becas. Instrucciones para la tramitación de la colaboración social La Coruña”, este ano a Universidade actúa de xeito semellante.
 
Non sabemos se a UDC aceptou como no ano 2014 a traballadoras/es en réxime de “colaboración social” o compromiso que o xerente sinalou na Xunta de Persoal era que non se recorrería a este tipo de réxime escravista, non obstante tampouco estamos de acordo en que se recorra á contratación precaria temos que lembrar que as traballadoras contratadas a través da ETT TRAGSA o pasado ano traballaban 25 horas á semana cun salario de 600€.
 
No anuncio ao que facemos referencia da empresa Infojobs establécense como funcións a desenvolver:
 
“As persoas seleccionadas encargaranse de realizar, entre outras, as seguintes tarefas:
 
- Recepción de documentos e a súa posterior gravación
- Tratamento de base de datos e/ou cotexo dos rexistros con documentación en soporte papel
- Tarefas de arquivo de documentación en expedientes
- Tarefas puntuais de apoio e colaboración no tratamento dos datos capturados nas bases de datos
 
Non se terán en conta candidaturas que non teñan a experiencia requirida no posto.”
 
Reclamamos, como o fixemos no seu día diante do xerente, que para cubrir as necesidades, puntuais ou prolongadas, de persoal se recorra á utilización das listas de agarda. Lembramos, unha vez máis, que, nesta unidade, existe unha praza na RPT que non se cubre.