O evento celebrarase o vindeiro sábado 10 de outubro ás 17 horas na Praza de Saulo Torón na Avd. das Canteiras da capital grancanaria.
 
Os colectivos saharauís con presenza na illa advirten "que cada día que pasa complícase a situación do seu pobo nos territorios ocupados, que esta sendo masacrado e aniquilado impunemente por Marrocos·. "Os últimos 24 anos - denuncian - coa complicidade de España, Francia e a ONU".
 
UN EVENTO FESTIVO E REIVINDICATIVO
 
Os convocantes dos actos conmemorativos lembran que en novembro cumpriranse tamén corenta anos desde a firma do Acordo Tripartito de Madrid mediante o cal a antiga potencia colonizadora, España, entrega os territorios saharauís a Marrocos e Mauritania, que acabaría renunciando á parte que se lle entregou grazas á presión do Polisario.
 
"Foron corenta anos de ocupación marroquí, de resistencia saharauí e de solidariedade canaria" – apuntan.
 
Por esta razón, o evento que se celebrará o sábado 10 de outubro terá unha vertente festiva e cultural, que en todo momento estará marcada tamén pola reclamación de xustiza, liberdade e independencia para o pobo saharauí.
 
Estará dividido en dúas partes. Entre as doce do mediodía e a unha e media desenvolverase unha xornada poética nunha jaima levantada na Praza Saulo Torón, onde a recitación será acompañada polo té saharauí.
 
Desde as cinco da tarde e ata as doce da noite terá lugar a décima edición do Macro festival de música solidaria, onde participarán artistas de todos os estilos como Tinguaro(Mencey), Radio Local 28, 88 Beats, a Parranda Grupo Vello, os Hermanos Thioune, Ou´hara Furtado, Grupo Macth & go, Smokink Bananas, o Limite Cero e grupos de baile como o Ballet Encanto Boliviano e o Grupo de Danza Saharauí.
 
Os asistentes poderán gozar, así, de música saharauí, música folclórica canaria, pop, rock, hip-hop, soul, música africana, música cubana, música de cantautores canarios.
 
"Entre todos - afirman os convocantes da xornada - debemos lograr que este día as voces solidarias co pobo saharauís cheguen ata as zonas ocupadas do Sahara Occidental, para que alí poidan sentir, unha vez máis, que o pobo canario non se esqueceu dos seus irmáns e que seguirá apoiándoos ata que se alcance a independencia total do Sahara Occidental".
 
Canarias Semanal