A recuperación do 75% da paga extra de 2012 que se presentará como unha magnífica concesión cando xa van tres anos desde que nola roubaron. Ademais, que lla devolvan @s traballador@s da administración central non asegura que Feijóo sega o exemplo, fíxoo e faino co recorte salarial e nada asegura que siga as directrices do goberno central.
 
Cando xa nos recortaron arredor do 30% do noso poder adquisitivo, segundo parece a subida que se está a negociar está entre o 0,5 e o 1,5%, suficiente?. Para nós ridícula e, de asinarse, representará unha baixada máis de pantalóns dos sindicatos que acudirán submisos a facerse a foto coa reprobación xeneralizada d@s traballador@s da Administración Pública.
 
A cambio da submisión, tamén nos venderán algún día máis de “asuntos particulares”.
 
Pensamos que só recuperaremos o que nos roubaron se presionamos de verdade e con persistencia tanto ao goberno central como ao autonómico poñendo a nosa dignidade por riba dunhas poucas migallas.