Non imos caer nunha dinámica que nos levará, de non poñerlle freo, á reprodución, a través de comunicados e contracomunicados, do que son os programas do corazón na televisión.

A nós, igual que a maior parte do colectivo fártanos esta dinámica, temos moito que facer. O venres 23 a vicexerenta pasounos 29 convocatorias para seren informadas, pero temos máis traballo pendente:.

Planeamento  a un futuro próximo:

1. Preocúpanos a normativa que se albisca sobre a composición dos tribunais. Nese sentido teremos que tomar medidas para axustar a delegados do Comité a como, parece, vai ser para non caer en posibles recursos.
2. Que se poñan en marcha as convocatorias xa realizadas.
3. Comezo dos cursos de formación, acordados para todas as categorías, tanto de lexislación coma os específicos (os primeiros, froito da premura, teñen erros importantes).
4. Que, de verdade, se cumpran os compromisos acadados, ir enviando ao Comité novas convocatorias...
5. RPT, para nós  un dos temas esenciais e que temos, tamén, que rematar xa!. Resulta imprescindible que o acordo sexa rápido para poder executar unha parte da Transitoria Segunda este ano (o PAS interino afectado iría nunha segunda tanda logo de aprobar o concurso-oposición) .
6. Novo Convenio Colectivo, como sabedes, o Convenio Colectivo actual está denunciado, na negociación do que está en vigor deixamos moitos temas aparcados pola premura da convocatoria dos concursos-oposición. As cousas aparcadas e aspectos novos que van saíndo derivados da experiencia que se vai acumulando deberían de incluírse nese novo Convenio.

Non imos seguir máis adiante, xa nos gustaría ter todo este feixe de cousas rematadas e a gusto de todos/as.

Temos claro que o que logremos ímolo conseguir entre todos/as. Seguro que neste proceso necesitaremos do voso apoio e colaboración.

Contade con que nós imos poñer todo o que este nas nosas mans para tentar conseguilo.