Abril de 2015
 
 

NÚMERO 268 - 13/04/2015

   CUTUDC / Novidades

  MOVEMENTOS SOCIAIS
 

Estrasburgo condena as torturas policiais en Xénova

Case tres lustros despois de que se producisen os feitos, o Tribunal de Estrasburgo condenou ao goberno italiano polo sucedido na escola Díaz, lugar no que a policía italiana arrasou todo canto encontrou o seu paso. Na amentada de escola estábanse a aloxar os activistas que acudiron a manifestarse contra o cumio dos grandes do G-8.

 

  • Noticias relacionadas

O Tribunal europeo de Dereitos Humanos de Estrasburgo recoñece agora que no curso do asalto policial que tivo lugar na noite do 21 de xullo de 2001 producíronse torturas.
 
Por unanimidade o Tribunal determinou que a policía violou o artigo tres do Convenio Europeo de Dereitos Humanos contra a tortura e os tratos inhumanos e degradantes. Segundo a sentenza emitida, os policías antidisturbios utilizaron a operación de asalto como represalia, existindo o propósito deliberado de causar humillación e sufrimento físico e moral ás súas vítimas.
 
Na sentenza, condénase ao Estado italiano a pagar 45.000€ como indemnización a un dos manifestantes, A. Cestaro, que contaba entón con 62 anos de idade e estaba na escola durante o asalto da policía ao edificio.
 
De forma moi tardía, o Tribunal de Estrasburgo condenou o Estado italiano, que en ningún momento considerara como reprobables os feitos provocados pola brutalidade policial. Pola contra, as autoridades italianas condenaron aos manifestantes que protestaban ante a Conferencia organizada polas oito potencias económicas máis grandes do planeta, por devastación e saqueo. Tal cualificación baseábaa o Estado italiano na lexislación musoliniana da Italia dos anos 30.
 
Non obstante, como sucede case invariablemente e este tipo de casos, os axentes autores da brutal represión e das malleiras non poderán ser procesados polo delito de tortura, xa que a ausencia de leis adecuadas ao respecto impídeno.
 
Recollido de Canarias Semanal
 
VIDEO RELACIONADO: Diaz: No limpieis esta sangre (2012). Baseada nos feitos acontecidos en 2001, en Xénova, durante a conferencia do G8

 

 


 

 

 

 

 

 

 



CUT da UDC . SEMPRE DO LADO DAS TRABALLADORAS E TRABALLADORES

cutudc.com, 2009. Publicado baixo licencia Creative Commons DHTML Menu By Milonic JavaScript