05/04/2010
CUTUDC / Novidades
ACTUALIDADE
Redución do emprego público case nun 90%, estamos que o liquidamos!
-
Noticias relacionadas
Non é a
primeira vez que a Administración Pública acude á redución
da Oferta de Emprego Público, desde mediados até finais dos
anos 90 xa se viviu unha situación semellante co conseguinte
deterioro dos servizos públicos, nesta etapa a taxa de
reposición foi do 25%, é dicir, de cada 100 baixas de
traballadores/as da administración producidas, só se
cubriron 25.
Tampouco é a primeira vez que este goberno opta pola
redución da dita Oferta de Emprego Público, no ano 2009 e
aducindo a situación de crise xa procedeu a unha redución
significativa (nun 70%).
Nos
Orzamentos Xerais do Estado para o ano 2010 (pactada cos
sindicatos maioritarios e coherente co seu criterio de que
nos temos que sacrificar para solucionar unha crise que non
xenaramos) xa se contemplaba unha taxa de reposición do 15%
pero agora temos unha rebaixa máis (estamos de liquidación)
pasando esa taxa ao 10%.
Coa
administración pública o goberno mantén unha política
absolutamente diferente ca co resto dos sectores.
A
construción vai mal, miles de millóns para obra pública que
as Firmas como ACS, FCC, Acciona
ou Sacyr… precisan gañar pasta. Miles de millóns para
asegurar os beneficios da banca, agora ampliada á subvención
da integración das caixas de aforro, outra chea de millóns
para asegurar os beneficios das empresas de automoción…
Dalgún
lado haberá que quitar os cartos que se empregan nesta magna
política de mantemento do capital.
Para
onde miran todos os gobernos cando aparece unha crise do
capital, desas que chaman cíclicas, pois á redución do
volume da “empresa pública” privatizacións, redución dos
salarios dos empregados públicos, e redución da oferta de
emprego, o que denominan
reducir
o gasto
público.
O certo é que a Oferta de
Emprego Público para 2010 recorta nun 87
por cento as prazas de novo ingreso, desde as 15.084 do ano
pasado (xa recortadas nun 70% sobre as de 2008) a un total
de 1.989 este ano. Entre as prazas de novo ingreso, o
groso corresponde á policía, exército e forzas de seguridade.
En concreto, 222 prazas na Policía Nacional, 232 na Garda
Civil e 754 en las Forzas Armadas, mentres que outras 781
prazas son da Administración Xeral do Estado (AXE).
OFERTA DE EMPREGO PRAZAS
===============================================================
ADMINISTRACION XERAL DO ESTADO 781
- Funcionarios 548
- Persoal Laboral 116
- Entidades e Empresas Públicas 107
- Docentes 10
FORZAS E CORPOS DE SEGURIDADE DO ESTADO 454
- Policía Nacional 222
- Garda Civil 232
FORZAS ARMADAS 754
==============================================================
TOTAL 1.989
ADMINISTRACIÓN DE XUSTIZA 2.030
- Administración Central 704
- Comunidades coa competencia transferida 1.326
Tamén
as prazas de promoción interna (660), a pesar de medrar en
proporción, sofren un recorte considerable ao caer un 66%
debido á diminución da Oferta.
|
Distribución provisional por grupos de titulación |
||
|
GRUPO A |
Subgrupo A1 |
135 |
|
Subgrupo A2 |
190 |
|
|
GRUPO C |
Subgrupo C1 |
235 |
|
Subgrupo C2 |
100 |
|
|
TOTAL |
|
660 |
Non
deixa de ser contraditorio que cando, por exemplo, se
subvenciona ás empresas en función do mantemento do emprego
sexa a propia administración pública a que prescinde da
contratación, paradoxicamente non se fala nada da redución
dos altos cargos nin dos asesores (que se levan unha gran
parte do gasto).
A redución da cobertura de
vacantes na administración deteriorará aínda máis os
servizos, por este camiño chegarán a ser absolutamente
ineficaces, aos cidadáns, incrementará as taxas, xa
esaxeradas, de temporalidade nas propias administracións e
provocará a externalización de servizos o que non é máis que
un xeito de privatizar a propia administración pública.
Coa finalidade de aforrar
280 millóns de euros (cantidade non moi significativa nos
orzamentos do estado, neste Consello de Ministros acordaron
destinar 590 millóns para subvencionar a compra do “coche
eléctrico”, uns días despois
o goberno propón regalarlles 3.000 millóns de euros aos
empresarios rebaixando as cotizacións) fáiselle un dano
irreparable aos servizos públicos.
O Goberno
utiliza a verborrea de esquerdas para enmascarar a
aplicación dunha política de dereitas, neste caso limitando
o gasto público. A modernización e calidade dos servizos son
elementos contrarios á redución da Oferta de Emprego
Público. Nesta etapa de profunda crise económica, se de
verdade se aposta por unha política social, ten que
acompañarse da inversión e aposta polo Emprego Público, ao
non facerse deste xeito supón o descrédito para o Goberno e
o coro sindical que o acompaña na toma de decisións que non
benefician a saída da crise dun xeito que prexudique o menos
posible aos traballadores/as.
Como xa
estamos afeitos os sindicatos maioritarios e con poder de
convocatoria, de iniciativas de mobilización, non pasarán de
rexeitar a medida, a súa pasividade non deixa de ser un
xeito de aceptala na práctica, sen capacidade nin desexo de
actuar, non vai ser unha rebaixa do 5% na taxa de cobertura
de prazas o que lles faga reaccionar (non farían nada aínda
que esa taxa da que falamos fose do 0%, sempre atoparían
unha escusa para xustificalo)
Consello de Ministros
O Goberno aproba a Oferta de Emprego Público para 2010
CUT da UDC . SEMPRE DO LADO DAS TRABALLADORAS E TRABALLADORES
Quen somos | Contacto | Axuda
cutudc.com, 2009. Publicado baixo licencia Creative Commons DHTML Menu By Milonic JavaScript