Se o impacto da crise se medise só pola destrución de emprego que se produce nun ano, o de 2011 foi moito peor que o de 2010 e similar ao de 2009, cando con máis forza comezaron a notarse no mercado laboral as consecuencias da recesión.
 
Un frío glacial percorre a medular económica e laboral de Galicia. Os expedientes de regulación de emprego disparáronse nos últimos doce meses, ao pasar de 1.076 a 1.669 (un 64,4% máis), e multiplicarse case por dous o número de traballadores afectados, que evolucionaron dende os 13.186 do 2010 ata os 22.829 do 2011. O que significa que o número de empregados implicados nun ERE se incrementou un 73% na comunidade. Trátase do maior incremento rexistrado no estado.
 
Os expedientes autorizados no conxunto do país aumentaron algo máis do 22% respecto ao ano anterior, o que dá unha idea do calado do axuste realizado en Galicia no último ano, segundo o Boletín de Estatísticas Laborais (BEL) do Ministerio de Emprego e Seguridade Social.
 
Os empregados galegos que se viron afectados por medidas de suspensión (ERE temporal) durante 2011 foron 15.832, un 45% máis que en 2010, mentres que os de extinción (despedimento) foron 3.997, un 195% máis, ou case tres veces superior á cifra do ano anterior.
 
Máis da metade dos traballadores da comunidade que viviron un ERE pertence á provincia de Pontevedra. En total foron 12.648, case o dobre dos 6.814 de 2010. O incremento foi do 85%. A segunda provincia con máis afectados foi A Coruña con 6.794 (un 31,7% máis), seguida de Lugo, con 1.891 (114%) e Ourense 1.496 (85%). Os que se viron prexudicados por un ERE de extinción multiplicáronse por máis de sete, con respecto a 2010, en Ourense (292); por máis de tres en Pontevedra (1.935); por case tres na Coruña (1.421) e por dous en Lugo (349).
 
A realidade obstínase en aparecer nas estatísticas as reforma laborais, o despido barato prexudica gravemente manter o posto de traballo.
 
Non hai outra alternativa que a mobilización e acabar cun sistema que é a causa última da situación que vivimos.
 
Todos/as á folga xeral!!!
 
Prensa