Segundo datos do Boletín Petroleiro da Unión Europea, o litro de gasolina custa actualmente 1.367 â?¬ e o do gasóleo 1,360, mentres que en xaneiro de 2009 o custo era de 0,875 e 0,869 respectivamente. Isto supoñen segundo os cálculos de FUCI unhas subas, en tres anos, do 56% no caso da gasolina e do 57% no do gasóleo.
 
Asímismo, FUCI calculou que realizar unha viaxe en coche de 100 quilómetros, cun consumo medio de 6 litros, supón agora tres euros máis que en 2009 sexa o automovil de gasolina ou diesel.
 
Para o presidente de FUCI, Gustavo Samayoa, "as constantes alzas no prezo dos carburantes son inadmisibles porque supoñen un esforzo económico extra para millóns de familias, que xa están afogadas pola conxuntura económica actual. Estes incrementos van afogar ás rendas baixas e a prexudicar moito ás medias lastrando calquera indicio de recuperación económica e mesmo dando lugar a unha escalada de prezos doutros produtos" "debido ao peso do petróleo na produción, transporte e distribución dos bens de consumo".
 
Asímismo, Samayoa defende "a transparencia na fixación de prezos nas gasolineiras, motivo polo cal os españois deben saber que os impostos representan practicamente o 50% do custo total do prezo dos carburantes,".
 
O presidente de FUCI considera importante que os cidadáns "sexan conscientes da importancia de realizar unha condución eficiente porque permite que o gasto en combustible sexa menor así como reducir as emisións de CO2 á atmosfera. Neste sentido, FUCI, considera esencial o uso do transporte público e compartir o coche con outros condutores".
 
Ante esta preocupación e debido á alza constante do prezo dos carburantes, a FUCI elaborou un decálogo con dez sinxelos consellos cos que os automobilistas poden limitar a factura de combustible en ata un 20%.
 
- Arranca o vehículo sen acelerar.
 
- Mantén o motor ao ralentí o menor tempo posible.
 
- Conduce con marchas longas e o motor a baixas revolucións.
 
- Vixía a presión dos pneumáticos.
 
- Apaga o motor en paradas prolongadas.
 
- Non abuses do aire acondicionado.
 
- Evita as fiestras completamente baixadas ou o teito aberto.
 
- Non sobrecargues o coche e distribúe axeitadamente a carga.
 
- Observa as instrucións de mantemento do seu coche e revisa periodicamente o nivel de aceite.
 
- En viaxes longas planifica a ruta e escolle o camiño menos conxestionado.