23/01/2012
CUTUDC / Novidades
ACTUALIDADE
Catalunya sairá á rúa o 28 de xaneiro contra os recortes
Catalunya vivirá o 28 de xaneiro unha gran xornada de protesta cidadá contra os novos recortes dos servizos públicos convocada pola plataforma Prou Retallades! que pretende sacar á rúa a miles de persoas en contra dos presupostos da Generalitat para 2012.
-
A política de austeridade do goberno de CiU e medidas como o pagamento dun euro por receita médica ou a suba das tarifas do transporte público, levou ás 200 organizacións que constitúen a plataforma a convocar manifestacións, entre a que destaca a que partirá ás 17:00 horas da praza Catalunya de Barcelona e que finalizará ás portas do parque da Ciutadella.
Co lema "Non á ditadura financeira. Paremos os recortes! " a plataforma Prou Retallades! quere repetir o éxito da primeira gran protesta cidadá contra os recortes, que tivo lugar o pasado 14 de maio e que, segundo cifras dos convocantes, mobilizou en Barcelona 150.000 persoas.
Voceiros da plataforma de ámbitos como a saúde, a educación, os xubilados, os mozos e as asociacións veciñais expuxeron hoxe en conferencia de prensa a súa carta de agravios contra a política do goberno de Artur Mas e o seu xeito de atallar a crise económica.
CUT da UDC . SEMPRE DO LADO DAS TRABALLADORAS E TRABALLADORES
Quen somos | Contacto | Axuda
cutudc.com, 2009. Publicado baixo licencia Creative Commons DHTML Menu By Milonic JavaScript