A nivel institucional:

Sanear a imaxe da institución. O que pasou coas licenzas, agora agravado de ser certas as informacións periodísticas que afirman que se edificou en zona verde, non poden ocorrer. A institución que reclama a legalidade nas relacións coa Comunidade Universitaria e a cidadanía non pode incumprila cando lle interesa (non pode haber dobre moral no seu comportamento).
 
Non se pode permitir a privatización na institución, neste sentido a Residencia Universitaria é un feito transcendente, hai que poñer toda a forza institucional e colectiva para impedilo, neste camiño nace, a nivel galego, a iniciativa PUDUP (Plataforma Unitaria en Defensa da Universidade Pública) que comeza a súa andaina.
 
O equipo reitoral debe estar a fronte do movemento pola residencia pública esencialmente por dous motivos baixo a nosa perspectiva, por un lado a defensa dos servizos públicos que exercen a función de cohesión a social e que posibilitan que, neste caso, a educación superior chegue a todas as capas da sociedade. (non podemos esquecer que o capital privado inviste exclusivamente para o seu beneficio), e por outro lado porque, de consolidarse a privatización, nese centro haberá traballadores/as que non gozarán dos mesmos dereitos que o resto dos que traballamos na Institución.
 
Recordamos ao novo equipo reitoral e á Comunidade Universitaria que a privatización non só se realiza por este camiño. A existencia da ETT e a externalización de servizos son algo co que este reitor ten que rematar. Está nas súas mans!.
 
A excelencia, expresión valeira de contido sen unha remisión a elementos concretos nunca se conseguirá na Universidade sen contar con todos os colectivos que conforma a Comunidade Universitaria (para conseguir este obxectivo a nivel académico fai falla dotarse de bos servizos sustentados nunha plantilla de traballadores/as suficiente e ben formados/as).
 
Implicación económica e social no ámbito de actuación da Universidade. Relacións co seu contorno comezando co apoio ás reivindicación das familias expropiadas para, precisamente, poder avanzar na creación de servizos á Comunidade.
 
A nivel laboral
 
Cumprimento do establecido tanto nos Estatutos como no Convenio Colectivo:
 
RPT cada dous anos.