Os discursos tampouco foron nada novidosos. O Presidente da Xunta pedindo esforzos, colaboración entre as tres institucións académicas  e enxalzando a política orzamentaria da UDC.
 
O novo reitor defendeu a necesidade de aportar polo ensino como ferramenta para saír da situación actual apostanto firmemente pola universidade pública.
 
Neste último aspecto podemos axudarlle. Para que a UDC sexa realmente pública compre rematar coas empresas de traballo temporal dentro da institución, rematar, tamén, coa gran cantidade de traballo que se externaliza apostando firmemente polos servizos públicos de calidade acabando coa precariedade instalada na institución e reivindicando máis aló dos meros pronunciamentos a residencia pública que a universidade precisa e que desde as esferas políticas lle queren  negar, políticos que no día da toma de posesión fixeron os “esforzos necesarios” para saíren na foto.
 
Hai moito máis traballo que facer, cumprir os acordos asinados, e, mesmo o establecido nos propios Estatutos da Universidade e Convenio Colectivo é algo prioritario.
 
Para que toda estas accións se leven adiante conta xa co noso ofrecemento para reunirnos e levalas adiante. Se non procede deste xeito non deixaremos de facerlle as reclamacións pertinentes.