O noso sindicato apoia a iniciativa. Intentamos, no seu momento, organizarnos na Universidade da Coruña para facer fronte á intención da Xunta de privatizar a residencia universitaria, na reunión que se convocou a asistencia de órganos de representación e sindicatos presentes na comunidade universitaria foi escaso quedando en intentalo, de novo, despois das vacacións de Nadal.
 
É imprescindible organizarnos e tomar iniciativas que impidan que a UDC sexa a primeira onde se leven á práctica as políticas privatizadoras deseñadas pola Xunta.
 
COMUNICADO
 
Plataforma Unitaria Defensa Universidade Pública (PUDUP)
 
A principios do mes de novembro deste ano, un grupo de persoas vinculadas a colectivos e organizacións sindicais que traballan na USC no ámbito do *PAS funcionario e laboral*, xulgaron de gran interés poñer a andar algún tipo de plataforma no que poideramos confluír o conxunto da *Comunidade Universitaria* cara a organizar unha defensa decidida da *Universidade Pública*, convertida desde hai tempo nunha diana singular das políticas de recortes xeralizados no conxunto dos servizos públicos e prestacións sociais que constitúen os pilares do Estado do Benestar: educación, sanidade, pensións, etc.
 
Con estas premisas promoveron unha *xuntanza aberta* *ao conxunto dos estamentos da comunidade universitaria* *(PDI, estudantes e PAS)* para que participasen, se o consideraban oportuno, ben a título persoal ou como agrupacións universitarias, tiveran ou non representación nos órganos de goberno da USC, incluídas as opcións sindicais, con ou sin representación en Comités de Empresa ou Xuntas de Persoal e, en definitiva, aberta a todas as alternativas políticas, organizadas ou non, que compartiran os motivos e os obxectivos da iniciativa.
 
*O xoves 24 de novembro, *ás* 12:00 horas, *no *Salón de actos do Colexio Maior Fonseca, tivo lugar dita xuntanza, á que acudimos representantes de practicamente todas as agrupacións de estudantes con presencia na USC, de varios colectivos de PDI e PAS con presencia no Claustro e noutros órganos de goberno da universidade, tamén dos tres sindicatos con máis representación nos Comités de Empresa e Xuntas de Persoal e, sobre todo, un número considerable de persoas dispostas a participar na iniciativa a título individual. Alí reafirmamonos globalmente sobre a oportunidade da posta en marcha desta Plataforma e acordamos elaborar un manifesto que presentara públicamente os motivos e os obxectivos que nos agrupaban detrás desta iniciativa, e comezar xa a *mobilizar conciencias e vontades que proporcionen apoio social e político na defensa da universidade pública e, en xeral, do conxunto dos servizos públicos hoxe ameazados, coa fin de confluír con outras plataformas ou movementos cara a xestar unha gran resposta social en defensa do Estado do Benestar.
 
Esta é a páxina da Plataforma. http://www.pudup.org/