O sr. Barja chegou ao goberno da Universidade despois de anos dun goberno que, si para o conxunto da Universidade foi malo, para o PAS foi nefasto. O sr. Meilán partindo da base dunha concepción patrimonial da institución argallara, no seu momento, un aparato administrativo á medida desa concepción sen respectar, no camiño, nin as máis mínimas formalidades democráticas.
 
A chegada do sr. Barja na que moitos dos PAS nos involucramos para lle facilitar o seu apousentamento na cadeira de goberno da UDC creou unhas expectativas no colectivo que, co paso do tempo, comprobáronse como irreais.
 
Os compromisos adquiridos que fundamentaban o apoio e polos que solicitamos o voto do colectivo de PAS quedaron sen cumprir, incluso o talante aberto e conciliador co que se vendeu o seu proxecto, co paso do tempo, e, a medida que apareceron as dificultades, amosouse similar ao que, entre outras cousas, nos levou a rexeitar a actitude do Reitor anterior. A imposición cando non o desleixo e o desprezo foron abríndose paso paulatinamente tanto nas formas como nos feitos.
 
A xestión realizada durante estes anos foi, en liñas xerais, cando menos decepcionante e rexeitable.
 
A ilusión coa que no seu momento nos fixo celebrar o seu comezo de mandato deu paso á decepción pola xestión realizada.

Adeus.