Esta medida imposta unha vez máis, sen ningún tipo de negociación cos representantes dos traballadores supoñerá que na Administración pública madrileña se perderán case 7.000 postos de traballo en 2012. Unha decisión inxustificada nunha Comunidade Autónoma cunha taxa de desemprego do 17%, o que supón que en Madrid hai 573.100 persoas sen traballo.
 
Tamén se elimina a mellora da Incapacidade Temporal que, ademais de ser un recorte salarial encuberto, obrigará por exemplo o persoal sanitario a acudir ao seu posto de traballo nunha situacións precarias de saúde, co conseguinte risco, en moitos casos, para os pacientes.Decisións que, sen dúbida, terán consecuencias negativas na calidade dos servizos públicos que reciben os cidadáns madrileños. Máis xornada tradúcese en menos persoal, máis cargas de traballo e peores condicións laborais, o que levará consigo, sen dúbida, unha deterioración na prestación do servizo público.