Alberto Núñez Feijóo explicou que o seu Goberno apostará pola "eficiencia", sen cubrir xubilacións nin contratar interinos e aproveitando o traballo dos empregados fixos se o servizo non se resente.
 
Esta é a súa receita para poder manter o "equilibrio" entre as nóminas públicas e a solvencia da administración. Con ela saíu ao paso das preguntas dos xornalistas tras o Consello da Xunta sobre a proposta de Joan Rossell, presidente da patronal estatal, de despedir 900.000 traballadores públicos para aliviar as contas. Non coñezo a proposta da CEOE, pero si o que fai a Xunta", indicou.
 
O Executivo autonómico cubrirá como máximo o 10% de xubilacións en aplicación das normas fixadas polo Goberno central e decidiu paralizar a contratación de interinos, como adiantou este diario. De feito, a Consellería de Educación prescindiu de máis de 500 profesores nesta situación. As cifras mostran a contención no volume de nóminas da Xunta, que paga a 89.313 traballadores, con cifras de xaneiro deste exercicio.