Non obstante, o dirixente do PP advertiu de que a solución non é espremer máis o cidadán para que os gastos sigan financiándose e recordou que o ano pasado se subiu o IVE e non se melloraron os ingresos por ese tributo.
 
"Se a vaca non dá máis leite, non se lle pode muxir máis. Isto é o que está a pasar coa economía española", avisou o secretario de Economía e de Emprego do PP.
 
Nadal tamén se referiu á reforma laboral que quere aprobar Rajoy, da que dixo que se fará aínda que se opoñan os sindicatos.
 
En canto a se o PP conta con que Estado pode entrar novamente en recesión, Álvaro Nadal afirmou que o seu partido sabe que non vai ser doado e que "o primeiro ano de lexislatura vai ser moi complicado", xa que o "ciclo vai por unha inercia moi mala".