Unha cifra case idéntica aos 26.161 millóns estimados inicialmente, para cumprir, antes do 30 de xuño do ano próximo, cun coeficiente de capital do 9 % respecto da cifra dos seus activos calculados en función do risco. Esta esixencia aplícase aos bancos que poden contaxiar ao resto se incorren en falta de pagamento dos seus compromisos.
 
Aínda que se lles reclama un esforzo considerable, o máis importante a realizar logo de Grecia, cuxas entidades precisan 30.000 millóns, todas as entidades españolas afectadas puxeron de manifesto que cumprirán a imposición sen ter que acudir ás axudas públicas. O principal cambio introducido nas estimacións definitivas da EBA afecta á banca alemá, para a que se duplicaron as esixencias -desde 5.100 a 13.100 millóns- como consecuencia do impacto nas súas carteiras de bonos.
 
O estado español mantense como o segundo país con maiores requirimentos por detrás de Grecia. O grupo Santander viu lixeiramente elevados os requermientos desde 14.971 a 15.302 millóns, e corresponden á exposición á débeda soberana 2.424 millóns. BBVA precisa un capital extra de 6.329 millóns, dos que corresponden a débeda soberana 2.313 millóns. Os requirimentos de capital do Popular, 2.581 millóns, dos que corresponden a exposición a débeda 900 millóns. Bankia comunicou que cubrirá as súas necesidades -1.329 millone- «sen necesidade de incorporar fondos públicos ao seu accionariado». A Caixa precisa 630 millóns. Estas esixencias son un duro trompazo como tamén a posta en vixilancia de Standard & Poor?s do raitin de 14 bancos: Santander, Banesto, BBVA, Caixabank, A Caixa, Sabadell, Ibercaja, Bankinter, Bankia, BFA, Popular, Kutxa, BBK, ademais da confederación de caixas (CECA). 
 
O negocio dos rescates, Josep Oliu queda coa CAM por un euro
 
Ao Banco de España, ou sexa, a todos os cidadáns, vainos saír a broma por 5.249 millóns de euros máis o 80% dunhas perdas que se calculan en 24.000 millóns de euros, máis o lucro cesante dunha liquidez prevista de 14.000 millóns de euros. E o peor, a decisión do Goberno senta o peor precedente para o resto de entidades en crise. Os cidadáns imos pagar impostos durante lustros para pagar a reforma bancaria do capital. Así tamén saneo eu.
 
Ide preparando as carteiras.