Casares Long asegurouno durante a súa intervención nunha sesión do 'Forum Europa Tribuna Galicia', que tivo lugar en Santiago, e na que viu tamén inevitable reformular en conxunto "o financiamento das universidades".
 
Nesta liña, apostou por "mirar as taxas que pagan os países do contorno" español para "darse conta" da situación na que está o Estado. En particular, indicou que os estudantes da USC pagan unha media de 50 euros ao mes pola súa matrícula a cambio de "educación superior" e "servizos" como biblioteca ou wifi.
 
Non obstante, e relacionado coa posible suba de taxas, Casares Long lamentou que España "nunca" contara cun "sistema de bolsas que se axustase á capacidade de garantir que todos aqueles que non poden facer fronte aos gastos" derivados da universidade "poidan ter cubertas as súas necesidades para garantir a igualdade no acceso" a esta.
 
TRES UNIVERSIDADES
 
Preguntado pola existencia en Galicia de tres universidades --en Santiago, A Coruña e Vigo-- e de que ningunha das españolas estea entre as 200 mellores de Europa, Casares asegurou que "a realidade é a que é" se apostou no caso de Galicia pola colaboración interuniversitaria.
 
Paralelamente, considerou que "a solución da crise" económica "pasa pola universidade" e asegurou que os gobernos "cometerían un grave erro se, no seu afán por reducir custos, desdeñan a universidade".
 
"Experimentamos un crecemento exponencial nas últimas décadas, recibimos importante apoio retórico e gozamos da confianza e o respecto, aparentemente, da sociedade. Non obstante, ponse en dúbida a eficiencia e eficacia do noso traballo", sinalou Casares Long durante a súa intervención.
 
Así mesmo, recordou que as universidades son "algo diferente" dentro da administración pública, sobre todo polas importantes partidas de recursos que captan fóra do financiamento universitario.
 
Ademais, asegurou que o financiamento por alumno nas universidades estadounidenses é entre dous e cinco veces a media europea, mentres que en España e Galicia non se "chega" ao nivel medio de Europa.
 
"Se aspiramos a estar entre os mellores, temos que estar nas mesmas condicións", subliñou Casares Long, quen precisou que "se inverter en educación é caro, non inverter é carísimo".
 
A educación é un campo onde o presidente da Xunta, Alberto Núñez Feijóo cre que a Administración podería aforrar e onte aproveitou unha proposta do reitor da Universidade de Santiago (USC) para reivindicar un aumento das taxas por matricularse na educación superior e un cambio no sistema de bolsas. Para Juan Casares Long, abordar o financiamento universitario e o sistema de bolsas "é inevitable", se ben recoñece que "ninguén quere falar del porque é impopular".
 
Feijóo agarrouse a estas palabras e deslizou que "as matrículas universitarias son nalgúns casos inferiores ao custo dun colexio privado en Secundaria" e lanzar así este debate á area pública, á par que a análise sobre novas "prestacións farmacéuticas". Paréceme unha proposta valente e non improvisada, declarou sobre as declaracións de Casares Long.