Non só nas autonomías da “dereita” se implantan recortes nos salarios públicos, en Euskadi, onde goberna o PSOE, pasa o mesmo.
 
Frente á descapitalización pública, derivada da inxección multimillonaria á banca e a aposta polo mantemento do estado actual custe o que custe caben dúas opcións, unha a da progresividade na fiscalidade, perseguir  a fraude, eliminar as SICAV, loitar contra a economía somerxida… acabar cos escandalosos privilexios dunha clase económica culpable da situación de crise ou optar pola vía do aforro. Esta última é a opción que se tomou, segundo se deriva desta determinación a crise caerá sobre o lombo dos traballadores e traballadoras e, especialmente, sobre os/as que están nunha situación máis precaria.
 
Como diciamos é indignante a situación catalá onde, mentres non para de recortar en temas como a sanidade e reclama sacrificio aos cidadáns, sete cargos da Generalitat viron incrementado o seu soldo en 12.000 euros brutos ao ano.
 
Para poder ter elementos comparativos que axuden a valorar a suba, hai que ter presente que o xefe de gabinete do delegado de goberno en Tarragona cobrará máis que o alcalde da cidade, Josep Fèlix Ballesteros, que tiña un soldo de 64.000 euros antes de recortar o nun 10% a raíz da decisión do goberno central de reducir o salario dos funcionarios.
 
Segundo se reflicte en diversos medios de información, entre eles 'El Diario', todos os beneficiados por esta contradición do discurso de Mas "son persoal eventual e foron contratados como cargos de confianza. Están adscritos ao Departamento de Presidencia e basicamente a súa función é coordinar o labor dos delegados territoriais".