A Xunta do PP aplica deste xeito unha  política de recorte e privatización"da sanidade pública ao deixar desatendidos a desempregados e persoas sen recursos. Bloquéaselles a tarxeta sen previo aviso e ata que non reciben a que os acredita como persoas sen recurso, non teñen acceso á sanidade pública. Mentres tanto deben pagar a consulta e o tratamento farmacolóxico que lles prescriba o médico,
 
Mercedes Amaral, de 28 anos e sen traballo dende hai cinco, coñece de primeira man a vertixe que produce escoitar que carece de asistencia médica gratuíta. Hai meses que se encontra en tratamento psicolóxico por depresión e a semana pasada, ao acudir ao seu centro de saúde habitual na Coruña, lle advertiron de que a súa tarxeta estaba inactiva. Dixéronme que esa vez me atenderían por urxencias, pero que a partir deste momento, tería que pagar cada consulta, a razón de 67 euros e pico, denuncia.
 
Os desempregados teñen que pagar, no tempo de espera, as consultas
 
A situación de "desamparo" na que se encontra Mercedes ten a súa orixe na orde da Xunta do 5 de setembro, en vigor dende o 29 dese mesmo mes, pola que "se actualiza o procedemento para o recoñecemento do dereito á asistencia sanitaria por parte das persoas sen recursos económicos abondo e das que se encontran en situación de desemprego".
 
Ata esa data, desempregados e cidadáns sen recursos, que non cotizaban á Seguridade Social, beneficiábanse da prestación sanitaria, pero administrativamente recibían un tratamento diferente. Coa modificación normativa introducida polos conservadores galegos, ambos os dous colectivos convértense ipso facto nun "Código 29", que identifica, a efectos prácticos, ás "persoas sen recursos", a non ser que o desempregado poida xustificar a súa dependencia económica dun titular da Seguridade Social, de quen pasaría a constar como beneficiario.
 
Sen notificar o cambio
 
O número de afectados ascende 65.000.