Até que chegamos ao punto 16.- Modificación puntual da RPT de PAS funcionario neste punto a Xerenta anuncia que, trala Fusión dos departamentos de Construcións Navais e Enxeñaría Naval e Oceánica,  acordouse coa Xunta de Persoal a transformación da praza de secretario de departamento nunha de posto base así como o acordo de traslado dun posto base da EU Politécnica á E Politécnica Superior o acordo posibilita o mantemento en número de postos da RPT de persoal funcionario.
 
Esta modificación puntual terá que ser aprobada, á súa vez, na vindeira reunión do Consello Social.
 
Punto 17.- Quenda aberta de intervencións
 
Casteleiro (Decano da E.T.S. de Camiños) le un comunicado da Escola sobre as infraestruturas.
 
Nel, e resumindo, faise unha referencia ao estado das obras no CITEEC no que indican pasou de ser un centro exemplar tanto en infraestrururas como en persoal  a ser algo que só se pode cualificar de chabola na que nin sequera están rematados os cerramentos.
 
Esixen, no comunicado, que se cree unha partida orzamentaria para executar simplemente o cerramento para salvagardar o material e impediría a entrada a persoas alleas.
 
Pregúntanse, tamén, onde se ten previsto que dean as clases do 2º cuadrimestre ao paralizarse as obras que se viñan realizando nos centros programados.
 
Responde o vicerreitor de economía:
 
Pechar a obra, trasladará a petición ao Servizo de Obras e revisarán, dado o litixio no que está a construción, a legalidade de proceder a actuacións na obra.
 
Sobre a posibilidade de usar a construción da área científica para a docencia no segundo cuadrimestre mediante unha licenza provisional veo inviable, pensa que, con vistas ao próximo curso si hai expectativas de acadar a licenza definitiva.
 
Xosé Portela: a estas alturas e coas eleccións ás portas preguntar, unha vez máis, como está a proposta de RPT que se nos ten que transmitir ao PAS labora,l e agardar unha resposta positiva, é pecar de optimismo pero, como fago en todos os Consellos de Goberno, ao ser a miña obriga deixar constancia de que aínda estamos agardando,  vou reiterar a pregunta:
 
Vai transmitir, este equipo de goberno, unha proposta de RPT ao órgano de representación do PAS laboral?.
 
A praza de auxiliar de servizos da E.T.S. de Náutica e Máquinas en quenda de tarde. Cando se vai cubrir e con que procedemento?.
 
Ía insistir na necesidade dunha reunión urxente do Comité de Empresa coa xerencia pero, antes de entrar, acaban de indicarme que esa reunión está fixada para o día 23.
 
Resposta da Xerencia.
 
A situación da RPT é coñecida polos membros do Consello de Goberno e polo Comité de Empresa, cando se aprobe o Plan de Sustentabilidade será transmitida.
 
A praza de auxiliar de servizos de Náutica sairá publicada proximamente.