En Galicia, a taxa interanual situouse no 3,2%, dúas décimas por debaixo da rexistrada no mes de setembro. Deste modo, o incremento rexistrado en outubro en Galicia sitúase por enriba da media estatal e ao mesmo nivel que Castela-A Mancha, Extremadura, Murcia, La Rioja e Ceuta.
 
No ensino os prezos aumentáronse un 1,7%, mentres que no tabaco e as bebidas alcohólicas subiron un 1%. Rexistraron incrementos tamén a vivenda (un 0,7%), o enxoval (un 0,5%) e a medicina (un 0,4%). Non obstante, mantivéronse sen cambios os alimentos e bebidas non alcohólicas. En cambio, baixaron un 0,6% os cafés, hoteis e restaurantes e as comunicacións; un 0,5% o ocio e a cultura; e un 0,1% en transportes e no apartado doutros.
 
CEOE e Cepyme afirmaron onte que, segundo as súas previsións, os prezos se moderarán nos dous últimos meses do ano, para pechar o exercicio cunha inflación inferior ao 2,5%. As patronais insistiron na necesidade de manter a moderación salarial.
 
A pitonisa de cabeceira da CEOE parece ser pouco fiable, o que si é certo é que os traballadores perdemos sistemáticamente poder adquisitivo.