21/11/2011
CUTUDC / Novidades
ACTUALIDADE
Anticorrupción investigará as indemnizacións de NCG
Aínda que o resultado da investigación determine a legalidade do pensionazo destes individuos non deixará por elo de ser inmoral e eticamente impresentable. O feito de que un puñado de individuos se repartan máis de
25 millóns de euros non é máis que unha constatación de que o capital non está saíndo mal parado da situación de crise que eles mesmos crearon e que se salda con máis pobreza e precariedade para a clase obreira e os máis desposuídos
-
Noticias relacionadas
-
A Fiscalía Anticorrupción investigará a minusvaloración de Novacaixagalicia antes de traspasar o seu negocio ao seu banco asociado e as indemnizacións millonarias que cobraron varios exdirectivos por un montante aproximado duns 25 millóns de euros.
É lamentábel , non obstante, que as administracións, que contan con toda a información sobre as caixas de aforro galegas, non desen este paso, e o propio PP votase en contra da creación dunha comisión de investigación no Parlamento de Galicia.
Tampouco o Banco de España deu resposta algunha á solicitude trasladada para a apertura dun expediente sancionador para os ex altos directivos que percibiron indemnizacións millonarias.
Anticorrupción debe actuar da mesma forma que coa CAM e bote luz sobre a depreciación pouco argumentable nun 93% do valor en libros de Novacaixagalicia -de 1.784 millóns aos 181 valorados polo FROB-, e para que os directivos que marcharon a casa forrados asuman responsabilidades.
CUT da UDC . SEMPRE DO LADO DAS TRABALLADORAS E TRABALLADORES
Quen somos | Contacto | Axuda
cutudc.com, 2009. Publicado baixo licencia Creative Commons DHTML Menu By Milonic JavaScript