A concelleira, que subliñou que «se non se cobra o copago pérdese a subvención», remarcou que o anterior goberno local xa orzara uns ingresos dun millón de euros por este concepto, unha previsión que se mantén para o próximo ano: «Tíñano escrito e sen aprobar porque viñan as eleccións».
 
Por este motivo, entende Galego que só se aplicará o que xa está aprobado «por imperativo legal», e quixo tranquilizar aos usuarios asegurando que o novo sistema de pago por parte dos beneficiarios do sistema «non quere dicir que todo o mundo que recibe a axuda a domicilio vaia ter que pagar, senón que vai haber un baremo» en función da renda de cada usuario.
 
Posible modificativo
 
A responsable de Facenda tamén saíu ao paso das críticas vertidas polo interventor, que advertiu do «excesivo optimismo» da previsión de ingresos do orzamento, atribuíndo a indefinición das fontes de financiamento á decisión do Goberno de non aprobar os Orzamentos Xerais do Estado do 2012 ou prorrogar os deste ano. Sobre as consideración do interventor sobre a partida para subvencionar o bonobús, que entende que se podería quedar curta a pesar de subir, a edila remarcou que se subirá a achega inicial desde 4,9 a 6 millóns, «pero non poden pretender milagres», e apuntou que se recorrerá a un modificativo se non se cobren as necesidades do servizo.