En Grecia impuxeron ao economista e banqueiro, Lukas Papadimos, foi de 1975 a 1984, asesor económico do Banco de Reserva Nacional de Estados Unidos.
 
Ao volver ao seu país en 1985 ocupou o cargo de asesor económico do Banco Nacional de Grecia e tamén foi director do departamento de Investigación Económica do Banco Nacional, de 1988 a 1992. En 1993 foi nomeado subgobernador do Banco de Grecia e ao cabo dun ano director.
 
Ese mesmo ano uniuse á xunta directiva do Instituto Monetario Europeo e foi, ademais, nomeado presidente do subcomité de política monetaria e do comité de gobernadores de bancos centrais da comunidade europea.
 
Foi en 2002 cando asumiu o seu cargo máis importante ata agora, ao ser nomeado vicepresidente do Banco Central Europeo, baixo a presidencia de Jean-Claude Trichet, posto que sostivo ata 2010.
 
Este, como se observa, representante directo dos mercados no goberno de concentración de Grecia reservou catro postos dese goberno para o partido de extrema dereita, Laos, non é de estrañar porque a política neoliberal que aplicará ten unha conivencia directa coas correntes máis fascistas a nivel político.
 
Pola súa parte en Italia o representante elixido foi Mario Monti  que será o primeiro ministro que guíe a Italia pola senda do rigor que impoñen os mercados, é conselleiro de Coca Cola, membro do think tank económico Bruegel, forma parte do Reflection Group que preside Felipe González, frecuenta as reunións do club Bilderberg e é consultor de Goldman Sachs.
 
Se non o evitamos os voitres económicos acabarán impoñendo as políticas máis neoliberais o que significará que a saída da crise será a máis prexudicial para as clases populares, se seguimos polo camiño que os mercados están a impoñer perderemos a práctica totalidade dos dereitos que tanto custou alcanzar. Non nolo podemos permitir.