O estudantado da USC saiu á rúa na xornada de folga de onte, 9 de novembro, en protesta contra a Normativa de Permanencia acadando na maioría das facultades en torno a un 75% de seguimento dos/as alumnos/as de grao. Na cidade de Compostela en torno a 700 estudantes manifestáronse desde o Toural até a reitoría reclamando a retirada da norma e a apertura dun proceso que teña en conta á comunidade estudantil. No Campus de Lugo por volta dos 100 de estudantes sairon á rúa na marcha convocada na cidade das Murallas pola nosa organzación, que partiu do edificio de Intercentros.
 
Desde a Liga Estudantil Galega facemos unha valoración moi positiva da xornada de folga e afirmamos que as protestas non rematan aquí. O reitorado vén de anunciar a vontade de dialogar do estudantado, polo que nos seguiremos a mobilizar o que sexa preciso até conseguir a retirada dunha normativa especialmente lesiva cos dereitos do estudantado.
 
Porque esta Normativa pódese parar e ímola parar!
 
A loita continúa!
 
* Podedes consultar as galerías de fotos de Compostela e Lugo.
 
* Toda a información sobre a Normativa

http://ligaestudantilgalega.info/o-estudantado-da-usc-di-rotundamente-non-a-normativa-de-permanencia/

Kaosnarede