Os candidatos, aínda falta o último que presentou a candidatura, foron reuníndose tanto coa Xunta de Persoal como co Comité de Empresa. Uns viñan a coñecer a situación de cada un dos colectivos para ser contemplada nos correspondentes programas e algún xa traía un programa bastante elaborado.
 
Como das reunións, en moitos casos, non se pode sacar conclusións acordamos realizar, cada un dos dous colectivos (funcionario e laboral), unha serie de preguntas que conformarán unha enquisa que se lle transmitirá a cada un dos candidatos, procedendo posteriormente á súa publicación para que o colectivo de PAS coñeza as respostas.
 
Somos conscientes de que, a parte das respostas que se nos proporcionen, operan outros factores no proceso de outorgar o voto sobre todo a confianza no candidato (algún deles xa participou no goberno da universidade, polo tanto xa se pode valorar esa experiencia) e na dos compoñentes do seu equipo, proxecto de universidade, ….