A devandita exposición problemática, que engloba créditos dubidosos, activos adxudicados e activos normais baixo vixilancia, representa un 11,4% da carteira crediticia das entidades e un 5,2% do activo consolidado.
 
O organismo que preside Miguel Angel Fernández Ordóñez indica que nun momento de forte axuste do sector inmobiliario, a exposición problemática que mantén o sector bancario non se limita aos activos dubidosos.
 
Ao seu parecer, tamén teñen que tomarse en conta os activos adxudicados e recibidos en pago de débedas, así como aqueloutros préstamos en situación normal, pero baixo vixilancia.
 
Os activos así clasificados, xunto cos considerados dubidosos, están suxeitos á constitución de provisións de acordo coa normativa contable do Banco de España.
 
Así mesmo, o Banco de España tamén requiriu ás entidades de crédito españolas a publicación desta información detallada, que as entidades terán de reflectir nas súas contas anuais, así como na información financeira intermedia que fagan pública.