A Federación Empresarial de Farmacéuticos Españoles (FEFE) formulou eliminar da cobertura sanitaria algúns medicamentos que son utilizados en patoloxías leves, que teñen baixo custo e representan un número elevado de receitas para o Sistema Nacional de Saúde.
 
Trátase dunha das medidas incluídas no informe económico eufemisticamente denominado “Riesgos del Estado de Bienestar” na prestación farmacéutica e propostas para un modelo eficiente, dirixido polo profesor Francesco D.Sandulli, no que se propoñen unha serie de iniciativas para frear o "crecemento continuado" do gasto en medicamentos.
 
Un estudo que solicitou FEFE porque, segundo o seu presidente, Fernando Redondo, "está en risco o estado de benestar e a prestación farmacéutica en particular", e que contén unhas medidas a ter en conta polo próximo Goberno se quere xestionar "con eficiencia" os "escasos recursos" dos que se dispón.
 
Para frear este crecemento do gasto en medicamentos propoñen unhas medidas de contención, avaladas en esencia pola patronal dos farmacéuticos, que considera tamén que ten que haber corresponsabilidade dos pacientes a través da concienciación do gasto sanitario.
 
Queren meternos, a culleradas, o copago, tanto sanitario como dos medicamentos e están a facer a campaña preparatoria para amoldar as conciencias . OLLO!