Sempre dixemos que hai dous xeitos de matar, neste caso a administración pública galega, eliminándoa de raíz ou non lle dando de comer (deixándoa sen orzamento).
 
A Xunta, capitaneada pola dereita, opta polo segundo método, así nos orzamentos da comunidade para o vindeiro ano conságrase a precariedade orzamentaria determinándose o incremento 0 na oferta de emprego público o que limitará tanto as expectativas de milleiros de traballadores e traballadoras que agardaban esa posibilidade laboral como a desatención á cidadanía.
 
Os traballadores e traballadoras que xa desempeñamos labores na función pública galega non nos quedamos sen “regaliño”, a conxelación salarial, de momento se non vai a peor, será a tónica dos seguintes anos, polo menos, do 2012.
 
Entre o desconto do 5% nos nosos salarios, o incremento dos prezos e as conxelacións salariais que se aveciñan perderemos, arredor do 15% do poder adquisitivo.
 
Que agardamos para nos rebelar?