O primeiro ministro de Portugal, o conservador Pedro Passos Coelho, anunciou este xoves novas medidas de austeridade para 2012, entre as que se inclúe a eliminación das dúas pagas extraordinarias a funcionarios e pensionistas e o aumento en media hora da xornada laboral no sector privado.
 
Nunha declaración televisada, o xefe de Goberno luso detallou que a supresión das pagas extras de verán e nadal, que se levará a cabo ata finais de 2013, afectará aos salarios de máis de 1.000 euros mensuais de funcionarios, traballadores de empresas públicas e pensionistas.
 
Explicou que no sector privado tamén se reestruturará o calendario de vacacións para promover a produtividade. Estas medidas, incluídas no presuposto de 2012, están destinadas, segundo Passos Coelho, a corrixir desvíos presupostarios que poñen en perigo os compromisos adquiridos coa Unión Europea e o FMI, que prestaron ao Portugal 78.000 millóns.
Xustificou a necesidade de aplicar as medidas extraordinarias -aprobadas hoxe en Consello de Ministros e que se debaterán no Parlamento a próxima semana- para evitar a bancarrota do país e as presións para abandonar a zona euro.
 
A saída do euro "sería inaceptable e non permitirei que aconteza", dixo Passos Coelho, quen acusou o anterior Goberno socialista de ter gastado ata xuño de 2011 o 70% do presupostado para este ano. O dirixente conservador alertou da profunda recesión que afronta o país, cuxo PIB se prevé que caia un 1,9% este ano e un 2,2 o próximo.
 
Insistiu en que é fundamental que Portugal cumpra o pactado para contar cos 78.000 millóns do préstamo internacional, imprescindibles para o funcionamento do país.
 
A esquerda parlamentaria sinalou que se está a escribir unha nova constitución, un novo marco de relacións coa cidadanía.
 
“Os portugueses xa comezan a saber a resposta dos seus gobernantes. Traballar mais para sermos mais pobres. É a economía das pirañas, mais de15 días de traballo gratuíto para que a economía caia mais, dous meses menos de salario para a economía quedar peor, quitar dous meses de pensións aos nosos pais para mellorar a vida social”. Estas medidas “só poden conducir ao desastre”.
 
O Goberno declarou, co Orzamento de Estado para 2012, o “estado de guerra” aos traballadores portugueses. Considerando que, con estas medidas regresivas, Portugal camiña para unha recesión como a que se vive en Grecia,