Trátase dunha actividade próxima ao "bunkering", coa agravante de aumentar o risco de accidente e xerar uns sobrecustos que acaban repercutindo nas tarifas. Gas de Alxeria que logo de trasvasado remata en Italia; gas "exportado" vía Xibraltar que remata en suramérica; gas procedente do Caribe descargado e volto a cargar en REGANOSA con destino a Arxentina, cruzando 2 veces o Atlántico. Quen está a tolerar e a quen beneficia este lucrativo negocio de importación/exportación? Denuncia Fiscalía REGANOSA (65 Kb)
 
Resulta difícil explicar que un estado netamente importador e dependente do gas natural como España poida exportar semellantes cantidades de gas a outros países. Máis difícil aínda é explicar que resulte máis rendíbel aos importadores de Italia, América ou Kuwait, que o gas procedente de Alxeria ou Nixeria teña que desviarse da súa rota e realizar un longo percorrido para chegar á Ría de Ferrol, onde será descargado na planta REGANOSA e logo trasvasado a un novo buque que chegará aos países de destino despois dunha longa travesía.
 
A planta de regasificación de REGANOSA (como todas as plantas de gas do estado) pertence ao Sistema Gasista e é unha actividade regulamentada pola administración. Isto supón que a construcción, mantemento e gastos de operación destas infraestruturas gasistas son subvencionadas e pagadas polos consumidores, ao considerar que están prestando un servizo ao conxunto do estado. E perecisamente, os labores de carga precisos para "exportar" o gas a terceiros países xera una custos superiores á descarga, custos que acabamos pagando todos/as através das tarifas. Que servizo é ese?
 
Este trafego de importacións/exportacións de gas non reporta ningún beneficio á cidadanía: ao contrario, incrementa os custos e provoca un maior número de entradas e saídas de gaseiros cargados e portanto aumenta a probabilidade de accidente. A isto hai que engadir o risco que xa supón a proximidade da planta de REGANOSA aos núcleos urbanos e a ausenza un plano de emerxencias para as operacións destes buques.
 
Desconoñecemos a fiscalidade que se lle está a aplicar a estas operacións de "importación/exportación", pero xa aconteceu que nas instalacións de “Forestal del Atlántico” veciñas a REGANOSA no ano 1997 prodúxose unha importante fraude fiscal relacionada coa exportación de millleiros de toneladas de gasóleo, caso que a día de hoxe -despois de 14 años- aínda segue instruíndose no xulgado de Ferrol.
 
As nosas organizacións pedimos á Fiscalía Anticorrupción que investigue as exportacións de gas natural licuado que se realizan dende a planta de regasificación de REGANOSA polo perxuizo que poidan estar producindo al erario público e polo grave perigo ao que expoñen á poboación, alén de investigar quenes son os beneficiarios destas operacións