Galicia foi a sexta Comunidade con máis Expedientes de Regulación de Emprego autorizados ata o mes de xullo, en total 801, que afectou a 17.043 traballadores.

Os ERE autorizados nos sete primeiros meses deste ano ascenderon no conxunto do Estado a 11.487 (o 13,6% máis) respecto ao mesmo período de 2010 e afectaron a 179.795 persoas (o 3,7% máis).

Dos 11.487 expedientes aprobados, o 91% do total (10.481) foron pactados coas organizacións sindicais ou os representantes legais dos traballadores.

Dos ERE pactados o 20,4% (2.345) foron de extinción de contratos, o 46,4% (5.335) de suspensión temporal de contratos e o 33,1% (3.807) de redución de xornada.

Tamén nos expedientes non pactados (1.006) a suspensión temporal de contratos foi a modalidade máis utilizada, con 504, fronte aos 266 de redución de xornada e 236 de extinción de contratos.

Se se comparan os datos globais cos do mesmo período de 2010 os expedientes de extinción de contratos incrementáronse un 15,6% e os que contemplan medidas de redución de xornada un 216,9%, mentres que os de suspensión temporal caeron un 22,3%.

Respecto aos 179.795 traballadores afectados entre xaneiro e xullo ao 20,2% (36.353) extinguíronlles a súa relación laboral; o 58,1% (104.543) tivo unha suspensión temporal do contrato e o 21,6% (38.899) viron reducida a súa xornada laboral.

Segundo as características do procedemento, o número de afectados aumenta un 16,3% cando se trata de procesos que levan consigo extincións de contrato; un 370,3% por reducións de xornada, mentres que cando se trata de procesos que levan consigo suspensións temporais de contratos o número se reduce un 21,9%.

Por sectores, dos 11.487 ERE autorizados 299 fórono en empresas do sector agrario; 3.935 da industria; 1.909 da construción e 5.344 de servizos.

Isto supuxo que dos 179.795 afectados o 56,8% (102.196) pertencían á industria; o 30,3% (54.501) ao sector servizos; o 11,7% (21.182) á construción e o 1,6% (1.916) ao sector Agrario.

Por xénero, o 77,9% (140.091) foron homes e o 22,1% (39.704) mulleres.

A comunidade autónoma de Cataluña foi a que tivo máis ERE autorizados (2.173) e traballadores afectados (31.027), seguida da valenciana (1.847 e 22.275, respectivamente), a vasca (965 e 15.053), Andalucía (947 e 13.233), Madrid (841 e 25.292), Galicia (801 e 17.043), Castela e León (742 e 10.861) e Aragón (605 e 7.533).

Por detrás situouse Asturias (491 e 11.851), Castela-A Mancha (430 e 4.808), Cantabria (315 e 4.131), Navarra (304 e 5.048), Murcia (292 e 2.437), Canarias (262 e 3.738), Extremadura (176 e 1.673), Baleares (164 e 1.687) La Rioja (124 e 2.040) e Ceuta e Melilla (8 e 65).