Estas son algunhas das conclusións principais do estudo realizado un ano máis, e van 23, pola Organización de Consumidores e Usuarios (OCU) sobre o custo da cesta da compra o que gastamos en alimentación limpeza e hixiene, que é máis caro no País Vasco, Canarias, Navarra, Cantabria e Cataluña, e máis barata en Murcia, Galicia, La Rioja, Andalucía e Extremadura.
 
Segundo o estudo, o gasto medio por fogar nunha cesta da compra tipo, con produtos de marca e outros frescos, será este ano de 6.804,31 euros de media, mentres que o ano pasado foi de 7.225 euros. Nunha cesta das chamadas económicas pola OCU, con marcas brancas sobre todo, o gasto medio por fogar, situarase en 4.807,98 euros.
 
"A guerra de prezos chegou ao seu fin", conclúe a OCU, ao explicar o porqué da suba de prezos a pesar da dureza da crise, suba que ademais foi máis significativa nos produtos de marca branca.
 
Dependendo onde se compre e por suposto que se compre, a OCU calcula que o aforro medio dunha familia pode alcanzar este ano os 1.046 euros, o que equivale a case dous meses de compra un aforro que é inferior ao do ano pasado.
 
O estudo destaca que comprar nun hipermercado é máis barato no caso dunha cesta tipo, mentres que para unha económica son as cadeas de desconto as que ofrecen mellores prezos.

OCU