O gobernador do Banco de España, Miguel Ángel Fernández Ordóñez, considerou que a xestión levada a cabo por executivos da Caixa de Aforros do Mediterráneo (CAM) foi "escandalosa" e asegurou que o organismo abrirá expedientes se procede.

"Se me pregunta como persoa, me parece escandaloso, pero o Banco de España e o Fondo de Reestruturación Ordenada Bancaria (FROB) o que teñen que facer é axustarse a dereito no tratamento de todos estes temas", dixo na rolda de prensa para dar conta da reestruturación e recapitalización do sistema financeiro.

O gobernador incidiu en que é fundamental estabilizar a caixa, botar os administradores e estudar se procede abrir expediente, cun "coidado exquisito". Segundo considerou "se reaccionas coas tripas" neste tipo de asuntos non o farás ben", aínda que dixo comprender que a xente se escandalice respecto á xestión da caixa intervida.

Feitas estas declaracións temos que sinalar que os delincuentes que operaban, e operan, dentro desta caixa están na rúa e sen ningún cargo xudicial, mentres o rescate do pufo que deixaron farémolo entre todos/as.