30 mil, mozos e mozas, marcharon dende a universidade ata unha praza próxima ao centro da cidade. A camiñada concluíu cun acto cultural.
 
Non obstante, cando o acto practicamente concluíra e quedaban uns mil mozos na praza, un grupo de encapuchados apostouse tras as reixas dunha sede universitaria próxima e atacou con proxectís á Policía, que respondeu con chorros de auga e gases lacrimóxenos.
 
Aínda que os universitarios e un cuarto de millón de secundarios aseguran que non abandonarán as mobilizacións, por primeira vez e debido a presións económicas, abríronse á posibilidade de retornar a clases.
 
Os universitarios esixen ao Goberno do presidente Sebastián Piñera varias garantías antes de iniciar un diálogo: que non se entreguen recursos ás universidades que lucran con diñeiros fiscais e que se anule o prazo do 7 de outubro para pechar o semestre académico.
 
"Non" hai "diálogo con esa presión", sostivo a voceira universitaria Camila Vallejo antes do inicio da marcha, mentres o secretario xeral dos estudantes da Universidade de Chile, Cristóbal Lagos, asegurou que o prazo foi inventado polas autoridades.
 
A educación chilena é unha das máis desiguais do segundo o último estudo difundido pola Organización para a Cooperación e Desenvolvemento Económico (OCDE)