En xullo deste ano, o ratio de cobertura de axudas foi dun 71,44% do total dos máis de 4 millóns de parados. Isto significa que no estado hai máis de 1,32 millóns de persoas que non reciben subsidios por desemprego. En comparación co mesmo mes do ano anterior, o dato antóllase dramático. En doce meses a cifra de parados sen prestacións aumentou un 7,3%, que se traduce en 388.161 parados máis e supón un 10,5% menos de ratio de cobertura que en xullo de 2010, cando se situaba no 79,81% do total. No que vai deste ano 171.164 persoas quedaron sen ningún tipo de axuda pública por desemprego.