O Fondo de Reestructuración Ordenada Bancaria (FROB) inxectará antes do fin de setembro 2.465 millóns de euros -a cantidade definitiva tras o desconto dos desinvestimentos- no banco de Novacaixagalicia.
 
É o capital necesario para que a entidade alcance un capital principal superior ao 10%, á espera de que os investidores institucionais e empresarios galegos recrutados polo futuro presidente de NCG Banco, José María Castellano, pechen as súas negociacións co empresario para desembolsar os ata 700 millóns de euros previstos a primavera pasada. Con esta solución, o fondo de rescate bancario converterase, con máis dun 80% do capital, no accionista maioritario da entidade que a caixa galega prevé constituír a semana que vén, aínda que de forma temporal. Así o explicou onte o director xeral de Novacaixagalicia, José Luis Pego, ao consello de administración da entidade, durante a súa última reunión antes da segregación do negocio financeiro a un banco.

Opinión