O presidente da Mesa pola Normalización Lingüística, Carlos Callón, denuncia que para o PP "tres familias concretas de Cataluña valen más que ese 30% das familias galegas que non tiveron garantido ensino en galego" durante o pasado curso escolar. Así, explica que ata un 40% solicitaron ensino en galego en educación infantil "máis este só se impartiu nun 10% das aulas". Por iso, considera "extremadamente cínico" ao Partido Popular pola súa "defensa farisaica do dereito a escoller a lingua", xa que nada máis lle interesa "o dereito a escoller lingua no ensino se se escolle en castelán".
 
Ao fío do debate suscitado polo último ditame do Tribunal Superio de Justícia de Catalunya sobre o ensino en catalán, A Mesa advirte de que "comparar ambas as dúas realidades é como comparar o día e a noite". Neste sentido, lembra que "a media de presencia do galego no último curso escolar en todas as etapas non universitarias, rondou o 20% do horario". Ademais, asegura que "até o momento, en ningún outro lugar do Estado con lingua propia oficial se dá unha situación de tal precariedade".
 
A todo isto, A Mesa suma a eliminación da rede de escolas infantís en galego, as Galescolas, co que "a situación máis grave de precariedade da lingua propia se dá na educación infantil", así como nos conservatorios, "onde é estraño que chege ao 1% o uso do galego", e nos ciclos formativos, debido á "prohibición da docencia en galego nas materias científico-técnicas".
 
Para Callón, "está exclusión do galego é unha irregularidade e unha vergoña democrática de primeiro nivel" da que culpa ao PP, o partido que goberna en Galicia, e ao seu presidente Alberto Núñez Feijóo, que "non cumpre ningunha das tres cuestións básicas do modelo educativo" que defende A Mesa, como é que garanta as competencias lingüísticas, que conte cun apoio social sólido e que teña o galego como centro de gravitación.

Xornal