A Rede de Asembleas de Barrios e Vilas da Coruña, constituída dentro do movemento 15-M, convocou para o próximo 17 de setembro unha manifestación na Coruña para reclamar un referendo sobre a reforma da Constitución e "o dereito da cidadanía a decidir", segundo informaron os seus representantes coincidindo coa presentación das actividades previstas pola organización.
 
A manifestación está convocada para as 19.00 horas, dende a praza de Ourense ata a de María Pita, segundo Alfredo Losada, membro da Asemblea de Barrios, quen cualificou de "quebra constitucional" o acordo político sobre a reforma da Constitución e reivindicou o dereito dos cidadáns "a opinar".
 
Por outra parte, subliñou que o movemento do 15-M "non parou", en referencia ás asembleas que se celebran periodicamente nos barrios e nos municipios da bisbarra e as charlas sobre temas de actualidade, como as protestas do profesorado.
 
Así, avanzou a intención da Asemblea de Barrios de celebrar novos charlas "sobre os recortes en educación en menoscabo dos dereitos do alumnado".

Opinión